Ukraynada prezidentliyə namizəd Yuliya Timoşenkonun keçmiş həyat yoldaşının azərbaycanlı olduğu məlum olub. Etibarlı mənbələrdən "SİA"ya daxil olan məlumata görə, həmin şəxs Lerik rayonunun Sori kəndində yaşayan 52 yaşlı Rabil Qurbanovdur. Sözügedən mənbə qeyd edib ki, R.Qurbanov hazırda Bakıdakı tikintilərin birində fəhlə işləyir. "SİA" məsələni araşdırmaqda davam edəcək.

- Dünyada ən çox kofedən istifadə edən xalq isveçlilərdir.
   
   - İtaliyanın Syena şəhərində adları Meri olan qızlar küçədə fahişəliklə məşğul ola bilməzlər.
   
   - Yunanıstanın dövlət himninin 158 variantı var.
   
   - İslandiya dünyanın ən qədim demokratik dövləti sayılır.
   
   - İtaliyada qoz ağacının qabığı və taxtadan başqa, digər materiallardan qəbir düzəltmək qadağandır.
   
   - İsveçdə "A", Fransada isə "Y" adlı şəhər var.
   
   - Belçikada hər bir vətəndaşa 1 mil uzunluğunda dəmir yolu düşür.
   
   - Fransada frankı avroya və tərsinə çevirməyi bacaran kalkulyatorlar istehsal olunur.
   
   - İtaliyanın Vakon şəhərində "İki nəfər üçün solo" adlı restoran var. Oraya 6 ay əvvəldən sifariş vermək lazım gəlir. Çünki restoranda cəmi 1 masa var.

İnsanlarda xərçəng xəstəliyinə yol açan daha bir vasitə aşkarlanıb. Britaniya mətbuatının məlumatına görə, həftədə 2 banka qazlı şirəli içkilər qəbul edən şəxslərdə mədəaltı vəzinin xərçənginə yoluxmaq ehtimalı 87 faiz artır. Minnesota universiteti alimlərinin apardığı araşdırmalara görə, alkoqolsuz şirəli içkilər qanda şəkərin miqdarını artırır. Bunun nəticəsində mədəaltı vəzi güclü stressə məruz qalır. Qeyd edək ki, bu xəstəlik ildə milyonlarla insanın həyatına son qoyur. Bu araşdırmalar 14 il ərzində 60 mindən artıq qadın və kişinin üzərində aparılıb.

Rusiyanın pop kraliçası sayılan Alla Puqaçova kiçik nəvəsi Deni Baysarovu öz mirasından məhrum edib. "Dni.ru"nun məlumatına görə, 60 yaşı olan məşhur müğənninin heç də az varidatı yoxdur. Lakin o, mirası ilə bağlı sənəddə qızı Kristina Orbakaytenin oğlu Deni Baysarovun adını xatırlatmayıb. Bunun Puqaçova ilə Baysarov ailəsi arasında Deninin kimin yanında qalması ilə bağlı uzunsürən qalmaqalla bağlı olduğu bildirilir. Qeyd edək ki, Alla nəvəsinin qızının yanında qalması üçün çox çalışsa da, bu alınmayıb. Səbəb isə nəvəsinin birbaşa efirdə anası ilə yox, atasıyla qalmaq istəməsini bildirməsi olub. Allanın Denin adını mirasının varisləri sırasına salmaması nəvəsini bu etirafa görə cəzalandırması kimi dəyərləndirilir. Deninin atası Ruslan Baysarov müğənninin bu qərarını şərh etmək istəməyib. "Ekspress qazeta"ya açıqlamasında vurğulayıb ki, Allanın nə zaman nəvəsi ilə görüşməsi yadına gəlmir. Müğənninin yaxınları isə bildirirlər ki, pop kraliça qalmaqaldan sonra keçən 5 ayda nəvəsini görmək istəmir. Allanın əsas varisi isə qızı Kristinadır. Ona Allanın bütün evləri, zinət əşyaları, avtoparkı, pul vəsaitləri çatacaq.

Avstriyalı artist qılınc udmaq üzrə yeni dünya rekordu vurub. "Reuters"in məlumatına görə, o, eyni anda standart xətkeşdən 2,5 dəfə uzun olan 18 qılıncı udub. "Kosmik kovboy" ləqəbli Çeyni Xaltrinq bu addımı ilə özünün əvvəlki rekordunu təzələyib. Qeyd edək ki, Sidneydə kütlə qarşısında onun udduğu hər bir qılıncın uzunluğu 72 santimetr olub. 31 yaşlı artist bu işə 16 yaşından başladığını deyib. Müxtəlif vasitələrlə, o cümlədən şlanqla boğazının dəliklərini genişləndirib. Onun sözlərinə görə, göstərdiyi fənd həyatı üçün təhlükəli deyil, çünki çoxlu məşq edib. Onun bu rekordu "Ginnesin rekordlar kitabı"nın rəsmiləri tərəfindən qeydə alınıb.