Avropa Şurası Yerli və Regional Hakimiyyətlər Konqresinin bürosu Azərbaycanda keçirilmiş bələdiyyə seçkilərinin nəticələrini müzakirə edəcək. Büro fevralın 5-də Parisdə növbəti iclasını keçirəcək. İclasda əsas məsələ qurumun martın 17-19-da Strasburqda keçiriləcək plenar sessiyasına hazırlıq işlərinin müzakirəsi olacaq. Qeyd edək ki, Azərbaycanda ötən il dekabrın 23-də keçirilmiş bələdiyyə seçkisi ilə bağlı hesabatın müzakirəsi Avropa Şurası Yerli və Regional Hakimiyyətlər Konqresinin 18-ci plenar sessiyasının gündəliyinə də daxil edilib. Sessiya martın 17-19-da Strasburqda keçiriləcək. Sessiyada Avropa Şurasının baş katibi Törborn Yaqland, Avropa Şurası Nazirlər Komitəsinin sədri, İsveçrənin xarici işlər naziri Mişelin Kalmi-Rey, həmçinin AŞ PA prezidenti Mövlud Çavuşoğlunun çıxışı gözlənilir ("ANS-press").