Premyerliqanı tərk etməyə real namizədlərdən biri də "Karvan"dır. Mövsümün ilk yarısını turnir cədvəlinin sonuncu pilləsində başa vuran Yevlax təmsilçisi tarixində ilk dəfə hazırlıqlarını ölkə daxilində keçirdi.
   
   
   
   Yoxsa "Pro" kateqoriyalı məşqçi Yunis Hüseynov "silah"ı yerə qoyub? Livesport.az saytının suallarını cavablandıran təcrübəli mütəxəssis yeni transferlərini, ümumiyyətlə, hazırlıq prosesini dəyərləndirib.
   
   - Niyə hazırlıq dövrundə ölkədən kənara çıxmaq istəmədiniz? Axı əvvəlcədən belə bir planınız var idig
   
   - Başda Şahmar müəllim olmaqla klubun rəhbərliyi təkid etdi ki, əvvəlki kimi Antalyaya gedək. Ancaq bldiyiniz kimi, qış hazırlıq dövrü qısaldılıb. Həm vaxt az idi, həm də heyəti vaxtında komplektləşdirə bilmədim. Transferlərin çoxunu bu yaxınlarda reallaşdırdıq. Buna görə də Antalyaya getməyib Bakıda hazırlaşdıq. Buradakı təlim-məşq toplanışı da pis keçmədi. Şəxsən hazırlıqdan razı qaldım.
   
   - Yeni transferlərinizi necə dəyərləndirirsiniz?
   
   - Əsasən yerli futbolçulara üstünlük verdim. Çünki onlara güvənirəm.
   
   - Amma əksəriyyəti əvvəlki klublarında ehtiyatda qalan oyunçulardır...
   
   - Əgər onların keçmişinə baxıb qiymətləndirirsinizsə, onda unutmayın ki, demək olar, hamısı millinin üzvləri olub. Zaur Ramazanov da, Emin Quliyev də, Xaqani Məmmədov da. Mən bu uşaqlara inanmasaydım, komandama göturməzdim. Mənə tez-tez sual verirlər ki, 4 - 5 aydı ayağına top dəyməyən futbolçularla hara qədər gedə biləcəksiniz? Hazırda hamısı forma yığıb. Bunu çempionatın gedişində özünüz də görəcəksiniz.
   
   - Zaur demişdi ki, "Standard" autsayder olduğuna görə orada oynamağı özümə sığışdırmadım". Bəs nə əcəb "Karvan"a - əyalət komandasına gəlməyə razılıq verdi? Onun keçidində Yunis Hüseynov amilinin nə dərəcədə rol oynadığını deyə bilərsiniz?
   
   - "Karvan" Ramazanov üçün yad komanda deyil. O, əvvəl də burada oynayıb və hətta 2004-cü ildə bizdə bombardir olub. Yevlax onun üçün doğma şəhərdir.
   
   - Amma o, həmçinin Emin də intizamsız futbolçulardır. Onlarla yola getmək çətin olmayacaq?
   
   - Mənim yanımda nə Zaur, nə də Emin özlərini intizamsız aparmayacaq. Buna əmin ola bilərsiniz.
   
   - Komandada hansı mövqelərdə problem qalıb?
   
   - Demək olar, bütün mövqeləri gücləndirmişik. Yalnız qapıçıyla bağlı çətinliyimiz var. İnşallah, onu da həll etməyə çalışırıq.
   
   - Əldə etdiyimiz bilgiyə görə, Rauf Mehdiyevi "İnter"dən icarəyə götürməklə "çərçivə" problemini yoluna qoymağa çalışırsınız...
   
   - Bu məsələ hələ konkretləşməyib. Yəqin, qısa vaxtda danışıqlar müsbət nəticələnər.
   
   - Transfer pəncərəsi fevralın 4-də bağlanacaq. Başqa transferiniz olacaq?
   
   - "Qarabağ"dan ayrılan Ceyhun Adışirinovu da heyətimizə qatmışıq. Qapıçı problemini də yoluna qoysaq, daha heç kimi almayacağıq.
   
   - Deməli, heyəti tam komplektləşdirmisiniz...
   
   - Həqiqi mənada - hə. 80 - 90 faiz 2-ci dövrəyə hazırıq.
   
   - Premyerliqada qalacağınıza əminsiniz?
   
   - Əksini düşünmürəm də. İnanıram ki, yeni ildə çıxışımız uğurlu alınacaq. "Karvan" əvvəlki iddiasını qaytarmaq uğrunda vuruşacaq. Heyətə də iddialı futbolçuları yığmışıq.

UEFA 2010 - 11-ci il mövsümündə Avropa qitəsindəki ölkələrin yığma komandalarına yoldaşlıq oyunları keçirmək üçün ayrılan tarixləri açıqlayıb. Livesport.az-ın qurumun rəsmi saytına istinadən verdiyi məlumata görə, milli komandamıza qarşıdakı mövsüm ərzində 3 yoldaşlıq görüşündə qüvvəsini sınamaq imkanı verilib. Yığmamız 2010-cu il avqustun 11-də, noyabrın 17-də və 2011-ci il fevralın 9-da yoxlama matçına çıxa biləcək. UEFA tərəfindən keçirilən klub turnirlərinin 2010/11 mövsümü üçün proqramı da açıqlanıb. Qitə futbol qurumu növbəti mövsümün təqvimini milli assosiasiyalara göndərərək həmin günlərə oyun salmamağı tələb edib.
   
   2010/11 mövsümünün təqvimi:
   
   UEFA Çempionlar liqası
   
   I təsnifat mərhələsi: 29 - 30 iyun, 6 - 7 iyul (2010)
   
   II təsnifat mərhələsi: 13 - 14 iyul, 20 - 21 iyul (2010)
   
   III təsnifat mərhələsi: 27 - 28 iyul, 3 - 4 avqust (2010)
   
   Pley-off: 17 - 18 avqust, 24 - 25 avqust (2010)
   
   Qrup mərhələsi: I tur - 14 - 15 sentyabr (2010)
   
   Qrup mərhələsi: II tur - 28 - 29 sentyabr (2010)
   
   Qrup mərhələsi: III tur - 19 - 20 oktyabr (2010)
   
   Qrup mərhələsi: IV tur - 2 - 3 noyabr (2010)
   
   Qrup mərhələsi: V tur - 23 - 24 noyabr (2010)
   
   Qrup mərhələsi: VI tur - 7 - 8 dekabr (2010)
   
   1/16 final: 15 - 16 fevral, 22 - 23 fevral (2011)
   
   1/8 final: 8 - 9 mart, 15 - 16 mart (2011)
   
   1/4 final: 5 - 6 aprel, 12 - 13 aprel (2011)
   
   1/2 final: 26 - 27 aprel, 3 - 4 may (2011)
   
   Final: 28 may (2011)
   
   UEFA Avropa liqası
   
   I təsnifat mərhələsi: 1 - 8 iyul (2010)
   
   I I təsnifat mərhələsi: 15 - 22 iyul (2010)
   
   I I I təsnifat mərhələsi: 29 iyul - 5 avqust (2010)
   
   Pley-off: 19 - 26 avqust (2010)
   
   Qrup mərhələsi: I tur - 16 sentyabr (2010)
   
   Qrup mərhələsi: II tur - 30 sentyabr (2010)
   
   Qrup mərhələsi: III tur - 21 oktyabr (2010)
   
   Qrup mərhələsi: IV tur - 4 noyabr (2010)
   
   Qrup mərhələsi: V tur - 1 - 2 dekabr (2010)
   
   Qrup mərhələsi: VI tur - 15-16 dekabr (2010)
   
   1/16 final: 17 - 24 fevral (2011)
   
   1/8 final: 10 - 17 mart (2011)
   
   1/4 final: 7 - 14 aprel (2011)
   
   1/2 final: 28 aprel - 5 may (2011)
   
   Final: 18 may (2011)
   
   UEFA superkuboku
   
   27 avqust (2010)
   
   FİFA klublararası dünya çempionatı
   
   8 - 18 dekabr (2010)

FİFA milli komandaların 2010-cu il üçün ilk reytinq cədvəlini açıqlayıb. Livesport.az saytının məlumatına görə, Azərbaycan milli komandası ötən ay olduğu kimi, 236 xalla 114-cü pillədə qərarlaşıb.
   
   

AFFA-nın İntizam Komitəsinin (İK) növbəti iclası keçirilib. Livesport.az saytının məlumatına görə, İK Ağdamın "Qarabağ" klubunun futbolçusu Sabir Ramazanovla bağlı məsələni araşdırıb. Əvəzedici komandanın üzvü olan oyunçunun "lipa" olduğunu müəyyənləşdirən qurum ona müvafiq cəza tətbiq edib. Təvəllüdü ilə bağlı yanlış informasiya təqdim edən Sabir 6 ay müddətinə AFFA-nın bayrağı altında keçirilən yarışlardan kənarlaşdırılıb. Əvəzedicilərin çempionatında liderlik edən komandanı cəzalandırmayan İK "Qarabağ"a göndərilən xəbərdarlıq məktubu ilə kifayətlənib. Məktubda klub rəhbərliyinin nəzərinə çatdırılıb ki, analoyi hallar təkrarlanacağı halda ciddi sanksiyalar tətbiqlənəcək.
   
   

MƏlum olduğu kimi, fevralın 7-də, Bakı vaxtı ilə saat 15:00-da Polşanın Varşava şəhərində "AÇ-2012-nin seçmə mərhələsinin püşkatma mərasimi keçiriləcək. Livesport.az AFFA-nın rəsmi saytına istinadən xəbər verir ki, mərasimdə ölkəmizi qurumun baş katibi Elxan Məmmədov və milli komandanın baş məşqçisi Berti Foqts təmsil edəcəklər.
   
   

Rusiya yığma komandasına görmədiyi günləri bəxş etmiş Qus Hiddink yaxın günlərdə növbəti milli komandanın "sükanı arxası"nda peyda ola bilər. Livesport.az saytının Türkiyə mətbuatına istinadən yaydığı məlumata görə, bazar ertəsi Cənubi Koreya ilə dünya üçüncüsü, Rusiya ilə isə Avropa çempionatının bürünc medalçısı olmuş Hiddink Türkiyə Futbol Federasiyası (TFF) ilə rəsmi müqaviləyə imza atacaq. Doğrudur, hələ ki TFF rəsmiləri bu xəbəri təsdiqləmirlər. Amma nəzərə alsaq ki onlar bu informasiyanı təkzib də etmirlər, hollandiyalının həqiqətən Türkiyə millisini çalışdıracağı olduqca real görünür.