"Bakı" futbol klubunun baş məşqçisi Bülənt Qorxmaz "Turan"la oyunöncəsi fikirlərini açıqlayıb: "Komandamız təxminən 40 gün fasilədən sonra 2010-cu ildə ilk rəsmi oyununa çıxacaq. Bildiyiniz kimi, "Bakı" Moskvada "Birlik kuboku"nda iştirakı ilə əlaqədar hazırlıqlara digər komandalardan tez başlayıb. Biz 3 yanvar tarixindən etibarən bir yerdəyik. Antalyada 10 günlük təlim-məşq toplantısı keçmişik. Heyət yeni futbolçularla gücləndirilib. Bunlar müdafiəçi Gürşat Durmuş, yarımmüdafiəçilər Venio, Adnan Bərəkət, Əziz Quliyev, hücumçular Adriano və Svyatoslav Sofronidir. Bu oyunçular kifayət gədər təcrübəlidirlər, onlar bizim oyun üslumuza uyğun gəlirlər. Əminəm ki, yeni futbolçularımızın köməyi ilə qarşıda duran vəzifələrin öhdəsindən gələcəyik. Cari oyuna gəldikdə isə "Turan" ciddi rəqibdir, gənc və sürətli futbolçulardan təşkil olunub. İlk dövrə oyunumuzda bizə çətin anlar yaşatdılar.
   
   Rəqibə hörmətlə yanaşırıq, bununla belə, məqsədimiz ancaq 3 xaldır. Fasilədən sonra ilk qələbəmizi qazanıb, həm turnir cədvəlindəki vəziyyətmizi düzəltmək, həm də "altılığ"a bir addım yaxınlaşmaq istəyirik. Azarkeşləri komandamıza dəstək olmağa çağırıram.