FÖvqƏladƏ Hallar Nazirliyindən "Həftə içi"nə verilən məlumata görə, Şəmkir rayonunda "QAZ" markalı yük avtomobilinin salonu və mühərriki, Masallı şəhərində "VAZ"
   
   və Şəmkirin Xar-xar kəndində "Niva" markalı minik avtomobillərinin yanar hissələri yanıb. Yanğınsöndürənlər hər 3 yanğını söndürüblər: "Sumqayıt şəhərində "Opel" markalı atomobil yük qatarı ilə toqquşub. Nəticədə minik avtomobilində olan 1958-ci il təvəllüdlü Əzim Həkim oğlu Əliyev hadisə yerində həlak olaraq nəqliyyat vasitəsində sıxılmış vəziyyətdə qalıb. Xilasedicilər Ə.Əliyevin cəsədini nəqliyyat vasitəsindən çıxararaq aidiyyəti üzrə təhvil veriblər. Bir çox rayonlarda həyətyanı sahələrə yığılmış ot bağlamaları da yanıb. Füzuli rayonunun Əhmədbəyli kəndində 3, Şəmkir rayonunun Seyidkənd kəndində 2, Şəki rayonunun Qaratorpaq kəndində 6, Masallı rayonunun Köçərli kəndində isə vətəndaşa məxsus ümumi sahəsi 160 kv.m olan talvarın yanar konstruksiyaları və həmin talvarın altına yığılmış 2,5 ton ot bağlaması yanıb. Yanğınsöndürənlər alovu söndürüblər. Qazax rayonunun Qarapapaq kəndində ümumi sahəsi 300 kv.m olan 2 mərtəbəli 9 otaqlı fərdi yaşayış evinin yanar konstruksiyaları 100 kv.m, paytaxtın Nərimanov rayonunda ümumi sahəsi 12 kv.m olan 1 otaqlı mənzilin yanar konstruksiyaları 5 kv.m, Sabunçu rayonunda ümumi sahəsi 80 kv.m olan 4 otaqlı mənzildə mətbəxin yanar konstruksiyaları və oradakı əşyalar ümumilikdə 10 kv.m, Bərdə şəhərində ümumi sahəsi 192 kv.m olan 2 mərtəbəli 7 otaqlı fərdi yaşayış evinin yanar konstruksiyaları və ev əşyaları ümumilikdə 50 kv.m sahədə yanıb. Sumqayıt şəhərində isə şəhər bələdiyyəsinin yerləşdiyi ümumi sahəsi 500 kv.m olan 2 mərtəbəli binanın yanar konstruksiyaları və oradakı əşyalar 30 kv.m sahədə yanıb. Bütün yanğınlar yanğınsöndürənlər tərəfindən söndürülüb".