1941 - 1945-cı illər müharibəsi iştirakçıları üçün əmək pensiyasının baza hissəsi 30 manatdan 105 manatadək artırılıb. Dövlət Sosial Müdafiə Fondundan "Həftə içi"nə verilən məlumata görə, bu pensiyaların baza hissəsinin artırılması prezident İlham Əliyevin "1941 - 1945-ci illər müharibəsində qələbənin 65 illik yubileyinin hazırlanması və bayram edilməsi üzrə milli proqramın təsdiqlənməsi haqqında" 2009-cu il 22 iyun tarixli sərəncamı çərçivəsində həyata keçirilib: "Bununla əlaqədar DSMF-yə 1941 - 1945-ci illər müharibəsi veteranları üçün baza pensiyasına əlavələr üzrə təkliflərin hazırlanması tapşırılıb. 2010-cu il yanvarın 1-dən qüvvəyə minən "Əmək pensiyaları haqqında" qanuna müvafiq düzəlişlər edilib. DSMF 2010-cu ilin yanvarında müharibə veteranları üçün bu əlavələrin ödənilməsini həyata keçirib. Belə ki, bu məqsədlə müvafiq vəsait DSMF-nin cari il üçün büdcəsində nəzərdə tutulub. Qeyd edək ki, 2009-cu il mayın əvvəlində ölkədə 5,368 min 1941 - 1945-ci illər müharibəsi veteranı baza pensiyası alıb".