ABŞ-da 2010-cu ilin gözəli 22 yaşlı Karessa Kemeron seçilib. "The Washington Post" qəzetinin yazdığına görə, Virciniya sakini olan Kemeron müsabiqədə iştirak edən 50 xanım arasında ilk yeri tutub. "Miss Amerika - 2010" titulu ilə yanaşı, o, 50 min dollar mükafat da əldə edib. "Miss Amerika" Virciniya universitetinin yurnalistika fakültəsində təhsil alır və teleaparıcı olmağı planlaşdırır. O, dünya gözəllik müsabiqəsində də ABŞ-ı təmsil etmək hüququ qazanıb. Müsabiqə Las-Veqasda təşkil olunub və ABŞ gözəli titulunu qazanan xanım qaradərilidir.

- Böyük Britaniyanın məşhur baş naziri olmuş Uinston Çörçill gündə 15 siqaret çəkirdi.
   
   - İtaliyanın milli bayrağının eskizi Napoleon Bonapart tərəfindən hazırlanıb.
   
   - Kommunizm nəzəriyyəsinin banisi Karl Marks bir dəfə də Rusiyada olmayıb.
   
   - 1938-ci ildə Böyük Britaniyanın məşhur "Taym" jurnalı Adolf Hitleri ilin adamı seçib.
   
   - Fransanın məşhur imperatoru Napoleon italyan ailəsində dünyaya gəlib.
   
   - DTK-da işləyən zaman Vladimir Putinin ləqəbi "Xırda şey" olub.
   
   - Napoleon aylurofobiya - pişiklərdən qorxmaq xəstəliyindən əziyyət çəkirdi.
   
   - Amerikanın ilk ali hakimi Con Cey qulları onları sonradan azad etmək üçün alırdı.
   
   - Uinston Çörçill Blenheym qəsrinin qadınlar üçün xidməti otağında dünyaya gəlib. Onun anası rəqs etdiyi vaxt ağrıdığını hiss edib və məşhur baş nazir vaxtından əvvəl doğulub.

Gözlənilməz hərəkətləri ilə hamını təəccübləndirməyi xoşlayan ABŞ prezidenti Barak Obama bu dəfə özünü basketbol oyununun şərhçisi kimi sınayıb. "Qazeta.ru"nun məlumatına görə, Ağ Evin basketbola böyük sevgisi olan rəhbəri istirahət günü vitse-prezident Co Baydenlə birlikdə NBA çempionatı çərçivəçsində Vaşinqtonun "Verizon Centre" kompleksində keçirilən Dyuk və Corctaun universitetləri arasındakı oyuna baxmağa gəlib. Obama tək tamaşaçı olmaqla kifayətlənməyib. 10 dəqiqə ərzində "SBS" telekanalının şərhçiləri ilə birlikdə oyunun gedişini birbaşa efirdən tamaşaçılara çatdırıb. Qeyd edək ki, Obama keçən həftə NBA çempionatının 2009-cu ildə qalibi olmuüş "Los-Anceles Leykerz"komandasının düzənlədiyi daha bir basketbol tədbirinə qatılıb. Obama tək basketbolçular və onların ailələri ilə ünsiyyətdə olmayıb. Həm də komandanın əsas liderlərindən sayılan Kobi Braytonla basketbol oynayıb.

Norveçin paytaxtı Osloda keçiriləcək "Eurovision - 2010" mahnı müsabiqəsinin biletlərinin qiyməti fevralın 8-də açıqlanacaq. Müsabiqənin rəsmi saytının yaydığı məlumata görə, mayın 25 - 27-də keçiriləcək iki yarımfinal, eləcə də 29-da keçiriləcək final mərhələsi üçün ümumilikdə 90 min bilet satışa çıxarılacaq. I və II yarımfinalın biletləri yerdən asılı olaraq 36 - 72 avroya (300 - 600 Norveç kronu), final mərhələsinin biletləri isə 96 - 192 avroya (800 - 1600 Norveç kronu) satılacaq. Müsabiqəni işıqlandırmaq üçün akkreditə olunan media nümayəndələri hər il olduğu kimi, həm yarımfinalların, həm də finalın yalnız ilk məşqində iştirak edə biləcək.

Hollivudun məşhur aktyoru, "Qara geyimli adamlar", "Robot polis III" kimi filmlərdəki rolları ilə tanınmış Rip Törn polis tərəfindən həbs edilib. O, evinin yaxınlığındakı banklardan birini qarət etməyə cəhd göstərib. "infox.ru" xəbər verir ki, çoxlu spirtli içki qəbul etmiş aktyor haradansa əldə etdiyi silahla Konnektikut ştatındakı evinin yaxınlığında yerləşən banka soxulub. Tapança ilə bank əməkdaşlarını hədələyən 78 yaşlı aktyor onlardan pul tələb edib və seyfi açmalarını istəyib. Lakin qarət baş tutmayıb. Polis dərhal aktyoru həbs edib. Torn 100 min dollar girov müqabilində azadlığa buraxılıb.