ABŞ-la Rusiya arasında müddəti dekabrın 5-də başa çatacaq strateji hücum silahlarının ixtisarına dair müqavilənin yeni variantının imzalanması Vaşinqton üçün problemlərə yol açacaq. "The Washington Times" qəzetinin yazdığına görə, amerikalı konqresmenlər bu halda dekabrın 5-dən sonra Birləşmiş Ştatların Rusiyada strateji raket istehsalına nəzarəti itirəcəyindən narahatdırlar. Xatırladaq ki, tərəflər arasında yeni müqavilənin dekabrın 5-dək imzalanması nəzərdə tutulsa da, onun hazırlanması hələ başa çatmayıb və sənədə ilin sonunda imza atılacağı gözlənilir.