Mədəniyyət və Turizm Nazirilyi, Bakı İcra Hakimiyyəti, Azərbaycan Milli Kulinariya Mərkəzi və "Buta Palas"ın təşkilati dəstəyi ilə dünən Əl Oyunları Sarayında start götürən çempionat 3 gün davam edəcək.
   
   
   
   Azərbaycan Beynəlxalq İslam Mətbəxi Kulinariya Festival-çempionatına 15 ölkənin peşəkar aşpazları qatılıb. Tədbirdə Ümumdünya Kulinariya Təşkilatları Birliyinin prezidenti Qissur Qudmanson və Ümumdünya Xalq Yaradıcılıq Təşkilatının prezidenti Karmen de Padilla iştirak edirdilər.
   
   Qeyd edək ki, məlum festivalın keçirilməsinə artıq neçə illərdir hazırlıq işləri gedirdi. Başlıca problem isə, hər zaman olduğu kimi, maliyyə ilə bağlı idi. Nəhayət, baş tutdu. Azərbaycan Milli Kulinariya Mərkəzinin prezidenti Tahir Əmiraslanovun sözlərinə görə, beynəlxalq masştablı festival-çempionatın Azərbaycanda keçirilməsi böyük bir şərəfdir: "Çox şadıq ki, nəhayət, milli mətbəximizi dünya miqyasında təbliğ etmək imkanımız oldu. Bu festival-çempionat ilk dəfədir keçirilir və dünya kulinariya çempionatı tarixində ilk dəfədir hər iki nüfuzlu təşkilatın - Ümumdünya Kulinariya Təşkilatları Birliyi və Ümumdünya Xalq Yaradıcılıq Təşkilatının rəhbərləri Qissur Qudmanson və Karmen de Padilla eyni tədbirdə bir araya gəlirlər. Bu festival-çempionatın reallaşmasında əməyi olan bütün dövlət və özəl təşklatlara minnətdarlığımızı bildiririk...".
   
   Tahir Əmiraslanov həmçinin əlavə etdi ki, Azərbaycan Beynəlxalq İslam Mətbəxi Kulinariya Festival-çempionatına yalnız və yalnız bacarığına və özünə güvənən peşəkar aşpazlar qatılıblar: "g Əks halda telekanallarda reklamlardan düşməyən restoranlar da dəvətimizi qəbul edərdilər. Yerli telekanallarımızda hər gün Avropa, dünya və milli mətbəximizi yüksək səviyyədə hazırlayan restoran reklamları, mətbəx verilişlərində peşəkarlaqdan dəm vuran aşpazların, demək olar, heç biri qorxularından dəvətmizi qəbul elmədi. Çünki bilirdilər ki, 0 xal belə qazana bilməyəcəklər. Ona görə peşəkarlıq haqda yalan nağıllarla camaatın başını yormasınlarg".
   
   Qeyd edək ki, yarışçıların bacarığı 100 ballıq sistemlə dəyərləndiriləcək. Yəni 90-100 arası xal toplayanlar qızıl medal, 80-90 arası xal toplayanlar gümüş medal, 70-80 arası xal toplayanlar isə bürünc medal qazanacaqlar. 60-70 arası xal toplayan dördüncü yerin sahibləri isə diplomlarla təltif ediləcəklər. Bundan başqa, Mədəniyyət və Turizm Nazirliyinin xüsusi mükafatı - kubok qalibə təqdim ediləcək.
   
   "Qran-pri" mükafatının kimə çatacağı isə "Qara qutu" adlı yarışdan məlum olacaq. Yarışın şərtlərinə görə, aşpazlara içi ərzaq dolu bir qara qutu veriləcək. Aşpazlar 20 dəqiqə ərzində həmin ərzaqlardan bir menyu hazırlamalı, saat yarıma da xörək bişirib bəzəməlidirlər. Məhz həmin sınaqdan uğurla çıxan yarışmaçı aşpaz "Qran-pri" mükafatının sahibi olacaq. Bütün qaliblər festival-çempionatın sonuncu - üçüncü günü bəlli olunacaq.
   
   

"Hazırkı şəraitdə gənc ailələrin dövlət qayğısına ehtiyacları var. Çünki indiki şəraitdə dövlət gənc ailələrin sosial müdafiəsində iştirak etmir". Bunu deyən millət vəkili, Milli Məclisin sosial siyasət daimi komitəsinin üzvü Elmira Axundovanın sözlərinə görə, burada söhbət yalnız maddi köməkdən deyil, eyni zamanda ordu sıralarına çağırışdan, gənclərin işə götürülməsindən gedir: "Hesab edirəm gənc ailələrə sosial dəstək məsələsi proqram şəklində də qəbul edilə bilər. 2008-2009-cu illərdə bir sıra MDB dövlətlərinin parlamentləri dünyada yaşanan maliyyə böhranı və inflyasiyanı nəzərə alaraq sosial müavinətləri kəskin şəkildə artırıblar. Xüsusən hamiləliyə, doğuşa və uşağa qulluq etməyə görə müavinətlər nəzərəçarpacaq dərəcədə yüksəlib. Ukrayna və Qazaxıstanda hamilə qadınlar və anaların sosial müdafiəsi baxımından bizdən irəli gediblər ki, onlarda bu kateqoriyadan olan insanların sosial müdafiəsi daha güclüdür". Millət vəkilinin bildirdiyinə görə, Azərbaycanda doğumla əlaqədar birdəfəlik müavinət cəmi 50 manatdırsa, Rusiyada bu məbləğ 350 dollara bərabərdir. Ukraynada birinci uşağın doğuşuna görə birdəfəlik müavinət 150 dollardır. İkinci doğuşda bu məbləğ iki dəfə artır, üçüncü uşaqda isə dövlət ailəyə 600 dollar ayırır. Qazaxıstanda işləməyən qadınlar uşağa qulluğa görə 1 il müddətində aylıq müavinət alırlar. İşləyən qadınlar isə orta aylıq əməkhaqqının 40 faizini 1 il müddətinə əldə edirlər. Azərbaycanda isə qadın yalnız bir neçə ay uşağa qulluğa görə pul alır, sonra isə öz hesabına məzuniyyətə çıxmalıdır: "2009-cu ilin uşaq ili elan edildiyini nəzərə alaraq doğuşa və uşağa qulluğa görə müavinət məsələsinə qanunvericilikdə yenidən baxıla bilər. Biz deputatlar hələ ki uşaq ilinə öz töhfəmizi verməmişik. Nəzərə alsaq ki Milli Məclisin payız sessiyasında büdcə məsələsi müzakirə olunacaq, deməli, bu məsələni həll etmək mümkündür".

2-4 oktyabr tarixlərində Tbilisi şəhərində ADA Şirkətlər Qrupu menecerlərinin növbəti strateyi səfər seminarı keçirilmişdir. Seminar başlamazdan öncə iştirakçılar ümummilli liderimiz Heydər Əliyevin Tbilisi şəhərində qoyulmuş büstünü ziyarət etmiş, ADA Şirkətlər Qrupu adından gül dəstəsi qoymuşlar. Seminarın birinci günü qrupun 2009-cu il ərzində fəaliyyəti müzakirə olunmuş, struktur rəhbərləri reallaşdırılmış layihələr haqda məlumat vermişlər. Seminarın ikinci günü qrupun 2010-2013-cü illərdə inkişaf üzrə inkişaf strategiyası təsdiq olunmuşdur. ADA Şirkətlər Qrupu İdarə Heyətinin sədri R.Ə.Hacıyev qeyd edir ki, "Bu tip seminarlar ənənəvi olaraq hər il keçirilir. Builki seminar qrupun gələcək inkişafında mühüm əhəmiyyət kəsb edəcəkdir". Qeyd edək ki, ADA Şirkətlər Qrupu 2005-ci ildə yaranmışdır. Qrup Azərbaycanda "Almalı" brendi altında fəaliyyət göstərən mağazalar şəbəkəsinin sahibidir.

DünƏn axşam Heydər Əliyev adına sarayda "Bu şəhərdə" estrada teatrının 9 illiyinə həsr olunan "CoRaf" adlı konsert proqramı keçirilib. "SİA"nın konsertdə iştirak edən əməkdaşının verdiyi məlumata görə, konsert ilk olaraq "Bu şəhərdə"nin üzvləri - Rafael İsgəndərov və Coşqun Rəhimovun ifasında Azərbaycanı "Eurovision-2009" beynəlxalq mahnı yarışmasında təmsil edən Aysel Teymurzadə və Araşın ifa etdiyi "Always" mahnısının parodiyası ilə başlayıb. Sonra "Bu şəhərdə"nin ayrılmaz cütlüyü bir-birindən maraqlı parodiya və çıxışları ilə yadda qalıblar. Hazırda konsert proqramı davam edir. Konsertin eksklüziv video və foto görüntülərini "Səs" informasiya agentliyi əldə edib. Qeyd edək ki, "CoRaf" adlı konsertin məlumat dəstəyini "Səs" informasiya agentliyi (SİA) həyata keçirir.
   
   

GƏncƏ Dövlət Dram Teatrının kollektivi cari ilin sonuna kimi tamaşaçılarının qarşısına yeni səhnə əsəri ilə çıxmağı planlaşdırır. Bu barədə "SİA"nın qərb bürosuna teatrın direktoru Əli Qasımov məlumat verib. Onun sözlərinə əsasən, kollektiv Oqtay Altunbayevin "Şeyx Nizami" əsəri üzərində işləməyə başlayacaq. Qeyd edək ki, tamaşanın quruluşçu reyissoru respublikanın əməkdar incəsənət xadimi Vaqif Şərifov olacaq. Məşqlərə yaxın günlərdə başlanılması nəzərdə tutulur.
   
   

2010-cu il fevralın 7-də məşhur İran riyaziyyatçısı və astronomu Məhəmməd İbn Musa əl-Xarəzminin xatirəsinə həsr olunan XXIII beynəlxalq Xarəzmi mükafatı təqdim olunacaq. Təhsil Nazirliyinin mətbuat xidmətindən "SİA"ya verilən xəbərə əsasən, İran İslam Respublikasının Elm və Texnologiya üzrə Tədqiqat Təşkilatı tərəfindən keçiriləcək mükafatın məqsədi elm, tədqiqat, innovasiya, elmi fəaliyyət və ixtiralar sahəsində çalışan şəxslərin beynəlxalq aləmdə tanıdılmasından ibarətdir. Mükafatda elektrotexnika, mexanika və kimya mühəndisliyi, mülki mühəndislik, informasiya texnologiyası, bio və nano texnologiya, aviakosmik sənaye, tibb, bərpaolunan eneryi və kənd təsərrüfatı sahəsində çalışan şəxslər iştirak edə bilərlər. Namizədlərin həyata keçirdikləri tədqiqat işləri ixtiralar, innovasiya, tətbiqi tədqiqat sahələri, fundamental tədqiqat sahələri, inkişaf üzrə tədqiqat sahələri kateqoriyalardan birinə uyğun olmalıdır. Mükafatlandırmada iştirak etmək arzusunda olanlar cari il oktyabrın 15-dək "www.en.khwarizmi.ir" internet səhifəsində müvafiq anketi dolduraraq qeydiyyatdan keçməlidirlər.