Azərbaycanın aparıcı mobil operatorlarından olan "Bakcell" şirkəti ölkənin texniki universitetlərinin tələbələrinə dəstək məqsədilə yeni təşəbbüsə imza atır.
   
   
   
   Bu təşəbbüsün bir hissəsi olaraq "Bakcell" müxtəlif universitetlərin tələbələrinə şirkətdə təcrübə keçmək imkanı yaradacaq. Bu proqram tələbələrə şirkətlə və ümumiyyətlə, telekommunikasiya sənayesi ilə tanış olmağa imkan verəcək.
   
   Bu məqsədlə "Bakcell" şirkəti "Yunior Achievements Azerbaiyan" (YAA) ilə razılaşma imzaladı. "Yunior Achievements" - gənclərə işə hazırlığı və sahibkarliğı öyrədən dünyanın nüfuzlu təşkilatlarından biridir. "Bakcell" və YAA müştərək olaraq tələbələr üçün nəzərdə tutulmuş "Mobil telekom sənayesi ilə tanışlıq" adlı tədris materialı hazırlayacaqlar. Təlim proqram çərçivəsində daha çox uğur qazanmış tələbələr, sonradan "Bakcell"də bir müddət təcrübə keçəcək və şirkətin müxtəlif sahələri ilə tanış olmaq imkanı əldə edəcəklər.
   
   "Bakcell"in baş ofisində baş tutmuş imzalanma mərasimində şirkətin baş direktoru xanım İneke Botter deyib: "Biz inanırıq ki, bu günün tələbələri Azərbaycanın gələcəyidir. Biz bu gələcəyə yatırım edirik. Bununla da biz azərbaycanlı tələbələrə müasir dünyanın ən cəlbedici sənaye sahəsi ilə tanış olmağa və bu sahədə mövcud olan iş imkanlarını dərk etməyə kömək edirik".
   
   YAA təşkilatının icraçı direktoru Vüsal Xanlarov isə oz növbəsində bildirib: "İlk dəfə olaraq gənclərə mobil telekommunikasiya sektorunun müxtəlif sahələrini öyrənmək məqsədi ilə imkan yaradılır. Biz doğrudan da şox şadıq ki, "Bakcell" gənclərə bu şansı verməyə və "Mobil telekom sənayesi ilə tanışlıq" adlı tədris materialını birgə işləyib-hazırlamağa razılıq verdi". "Bakcell"in məhsulları və xidmətləri haqqında daha geniş məlumatı şirkətin rəsmi veb-saytı www.bakcell.com-a müraciət etməklə əldə etmək olar.