DÜnƏn Polşa prezidenti Lex Kaçinski Azərbaycana səfərə gəlib. "AzərTAc" xəbər verir ki, rəsmi qarşılanma mərasimindən sonra qonaqla Azərbaycanın dövlət başçısı İlham Əliyev arasında təkbətək görüş olub. Görüşdə ikitərəfli münasibətlərin siyasi, iqtisdi, mədəni və humanitar sahələrdə inkişafından məmnunluq ifadə olunub, əlaqələrin Avropa Birliyi çərçivəsində əməkdaşlıq baxımından əhəmiyyəti vurğulanıb.
   Qonaq bildirib ki, onun Bakıya səfəri iki ölkə arasında əlaqələrin daha da genişlənməsində yeni mərhələ olacaq. Görüşdə ikitərəfli münasibətlər, regional və beynəlxalq məsələlərə dair də fikir mübadiləsi aparılıb.